Уучлаарай!!! Та бүхэнд залруулга хийхэд энэхүү групп нь энэ салбартай холбоотой бусдад түгээх гэсэн аливаа бүх төрлийн мэдээллийг салбарынхандаа цаг алдалгүй, түргэн шуурхай хүргэх юмсан гэж админ миний бие 100% сайн дураараа нээж, ажиллуулж байгаа юмаа. Иймд админы шейр хийсэн постонд байгаа мэдээллийг тухайн постын холбогдох хаягаар нь болон коммент байдлаар бусад гишүүдээсээ лавлахыг хүсэж байна.
Албан ёсоор мэдэгдэл хийхэд админ миний бие "Монголын Геофизикчдийн Холбоо"-ны ажилтан бишээ. Холбооны ажилтан байж огт үзээгүй ээ. Энэхүү "Mongolian Geophysical Society" (https://www.facebook.com/groups/Geoph/) facebook групп болон "Mongolian Geophysical Society" (http://geophysicsmn.blogspot.com/) блог нь аль аль нь холбооных биш бөгөөд ямар ч холбоо, албан байгууллагатай холбоогүй болно. Группийг ажиллуулж байх хугацаанд хамгийн түрүүнд, хамгийн ихээр надаас асуусан асуулт бол "Чи холбооны ажилтан юм уу?" гэдэг асуулт байлаа.
Та бүхэнд сонирхуулахад геофизикийн оюутан байх үедээ геофизикийн салбарынхан дунд жил болгон болдог салбарын уламжлалт өдөрлөгийн мэдээллийг цаг хугацаанд нь авч чаддаггүй, үйлдвэрлэл дээр гарсан зарим геофизикч инженерүүд одоо хүртэл уламжлагдан болдгийг мэдээгүй гайхдаг цөөнхтэй тааралдаж байсан, компаниуд нь геофизикч болон туслах ажилтан хайх, оюутнууд дадлага хийх болон ажиллах газраа хайх зэргээс энэхүү салбарт Монголын Геофизикчдийн дунд түргэн шуурхай мэдээлэл түгээдэг, холбоо барих систем хэрэгтэй байгааг анзаарч, сайн дураараа оюутан байхаасаа (2011 онд) ажил хэрэг болгон шантралгүй өдийг хүртэл ажиллуулж байгаа билээ. Сонирхуулахад анх огт танихгүй ШУТИС-ийн АМЕХГеофизикийн төгсөгчдийн жагсаалтыг Oyunbileg Khorolsuren багшаас авч, жил гаран уйгагүй холбогдох овог нэр, и-мэйл хаяг, утсаар нь facebook-ээс search хийж олоод, чатлаад, мөн байвал группдээ нэмээд, тухайн олсон геофизикчийнхээ facebook найз нөхдөөс нь геофизикчдийг нэмж хайх байдлаар өдөр шөнөгүй жил гаран notebook-тэй найзалж энэ группийн суурийг тавьж байсан. Хоёр дахь жилээс гишүүн нэмэх ажлаа зогсоож, салбартай холбоотой мэдээллүүдийг бусдад түгээх гэж оролдон хүмүүсийн постыг хайж, одоог хүртэл шэйр хийж байгаа бөлгөө ккккк.....
Та бүхний мэдэж байгаа Геологийн 80 жилийн ойн баярын спортын арга хэмжээний бүх төрөлд дан геофизикчдээс бүрдсэн баг бүрдүүлж орох санаачлаггийг хамгийн анх Lhagvaa Chinzorig гаргаж, надад санал тавьсан дариуд яг тэмцээн болохоос долоохон хоногийн өмнө уриалсан пост оруулж зохион байгуулалтанд албан ёсоор оролцсон. Геофизикийн баг тамирчид маань олон төрлийн компани, байгууллагуудаас бүрдсэн тул нэг нэрэн доор орох гэж "Монголын Геофизикчдийн Холбоо"-нд санал тавихад уриалагхан хүлээн авч, мөн гишүүн байгууллагуудаасаа санхүү босгож нийт бооцооны хоёр зуун тавин мянга болон зарим зардлуудыг дааж их дэмжлэг үзүүлсэн. Ингэж богино хугацаанд бүх талаараа геофизикчид маань нэгдэж, арга хэмжээнд бүрэн оролцож чадсанд маш их баяртай байна. Иймд баярласан талархсанаа албан ёсоор одоо илэрхийлье.
- Ийм сайхан санааг анх санаачилсан геофизикч Lhagvaa Chinzorig баярлалаа
- Дэмжиж бусдыг маш сайн уриалсан Oyunbileg Khorolsuren багш, Oogii Munkhtsol эгч, ШУА. Одон орон, Геофизикийн хүрээлэнгийнхэнд, Daariimaa Badarch багш, Amartuvshin Sodnomdorj ахдаа болон бусад идэвхтэй дэмжсэн группийн гишүүддээ баярлалаа
- Геофизикчдийн спортын баг тамирчиддаа бүгдэндэн баярлалаа
- Маш сайн дэмжсэн "Монголын Геофизикчдийн Холбоо"-ндоо (Гүйцэтгэх захирал Tsedenbaljir Davaa) баярлалаа
- Холбооны санхүүжилтэнд хувь нэмрээ оруулсан компаниуддаа баярлалаа. Миний мэдэхийн "АМО Дисковер" ХХК нь энэ үйл ажиллагааг дэмжиж санхүүжилтэнд оролцсон тул "АМО Дисковер" ХХК-д (Munkhbaatar Sengee) баярлалаа. Бусад компаний мэдээлэл надад хаалттай байгаа тул нэрлэж чадахгүй байгаадаа уучлалт хүсье.
Группийнхээ бүх гишүүддээ ирэх 2020 онд нь ажлын өндөр амжилт, эрүүл энх, сайн сайхан бүхнийг хүсэн ерөөе!!!
No comments:
Post a Comment